Хрватскиот интернационалец Ловро Јотиќ истакна дека е добра работа за Вардар тоа што тимот е речиси комплетен, недостасува само Дисингер и во исто време очекува во понеделничкиот натпревар во СЕХА Лигата, да нема многу промени во играта на Нексе. Хрватскиот тим пред два дена го назначи Бранко Тамше за нов тренер, откако досегашниот стратег Хрвоје Хорват е назначен за селектор на хрватската репрезентација.

– Драго ми е затоа што сме заедно, го чекаме уште Чупиќ кој ќе пристигне наскоро. Немаме проблеми со повреди, освен со Дисингер, но знам дека ќе заздрави брзо. Не чека натпреварот со Нексе, доаѓањето на новиот тренер нема да промени многу, само два дена е со тимот. Се познаваме со нив, Нексе е квалитетна екипа и сигурен сум дека ќе следи еден интересен натпревар – вели Јотиќ.