Музичката дива Јосипа Лисац со задоволство се присетува на возбудливите моменти од нејзиниот живот кога се испробала во актерството. Токму во 80-тите имала можност да го почувствува шармот на филмската сцена со тогаш големата актерска ѕвезда Ричард Чембрлен, кој почина вчера на 90-годишна возраст. Ричард беше нарекуван „кралот на мини-серијата“, а особено ќе остане запаметен по улогата во серијата „Птиците умираат пеејќи“.

Јосипа неодамна за „Национал“ раскажа како дошло до соработката на филмот „Валенберг – Приказната на херојот“, пренесува 24 sata.hr.

– Во текот на 80-тите ги имав и тие две слатки филмски патувања. Господин Лустиг ме покани на аудиции. Се водеше голема борба за улогата во филмот „Изгубен херој“ и јас бев избрана. Тоа беше висококвалитетна копродукција, а одлични актери, британскиот актер Кен Коли беше шармантен, фантастичен, само што тогаш Ричард Чембрлен беше повеќе во мода. Глумев унгарска шпионка и љубовница на нацистички генерал, а бидејќи сè се случуваше во барови, имаше една сцена каде што ја пеев песната „Stormy Weather“ во барот – откри Јосипа Лисац.

Додека ја снимале таа песна во студио, продуцентката на филмот ги прекинала и рекла дека „имаат проблем“. Карло Метикош ја прашал каков, а таа му рекла дека Јосипа е совршена, а англискиот и е одличен, но дека дејството се случува во Унгарија. Карло потоа ги вклучил сите микрофони во студиото и ја прашал „Можеш малку на унгарски?“ па „Stormy Weather“ ја снимила со унгарски акцент.

Јосипа се присети дека Чембрлен бил „исклучително шармантен“. Откри дека ја пофалил за начинот на кој ја отпеала „Stormy Weather“.

 

View this post on Instagram

 

A post shared by Josipa Lisac (@josipa_lisac)