Јапонија забележа трговски дефицит од речиси 13 милијарди евра во првите шест месеци од годинава, што е последица на високите царини за извоз воведени од Соединетите Американски Држави, соопшти владата.

Извозот се намали за 0,5 проценти во споредба со истиот период минатата година поради воведувањето на царини од 25 проценти за извоз на возила и други производи, покажува официјалната статистика на Токио.

Американскиот претседател Доналд Трамп го одложи воведувањето на уште повисоки царини до 1 август со цел дотогаш да преговара со официјални лица, но сè уште не е потпишан договор.

Јапонскиот извоз опаѓа два последователни месеци, додека увозот се зголеми за 0,2 проценти во јуни, соопшти Министерството за финансии.

Трговскиот дефицит во мај изнесуваше околу 3,8 милијарди евра.