Големата јапонска компанија за кредитни картички Сумитомо Мицуи ги објави плановите за воведување плаќања на допир за билети за јавен превоз. Низ целата земја Јапонците од следната година билетите за јавен превоз ќе ги плаќаат на допир.

Таквата одлука треба да стапи на сила во 2026 година, со цел да им го олесни патувањето на странските туристи кои често се потпираат на готовина или на краткорочни транзитни картички, објави Jaпан Тудеј. Од оваа измена ќе имаат корист не само корисниците на кредитните картички издадени од споменатата компанија, туку и сопствениците на други кредитни картички ќе можат да ги користат наместо наменски картички за превоз и билети во возови и автобуси, објави Сумитомо. Во моментов, кога се возат во јавен превоз во Јапонија, посетителите мора да користат машини за билети или да купат физички транзитни картички со чипови, пренесува Каматица.