Јапонската влада е подготвена да ослободи повеќе ориз од своите залихи, изјави денеска министерот за земјоделство, откако граѓаните ја зграпчија првата пратка што треба да се натпреварува со евтиниот увоз по пониски цени.

Цените на оризот во Јапонија растат поради штетите на земјоделските култури предизвикани од екстремната топлина, но и поради зголемената побарувачка поттикната од туристичкиот бум.

Механизмот за продажба на ориз од залихи на трговци на големо преку аукции не резултираше со значителен пад на цените и Владата одлучи да го замени со директна продажба на мали трговци преку дискрециони договори.

Министерството за земјоделство сака да им овозможи на граѓаните да купат вреќа ориз од пет килограми по половина од просечната цена, околу 2.000 јени или 12,20 евра.

Минатиот викенд, оризот од залихите пристигна на полиците на некои продавници, а стотици луѓе чекаа во редови пред продавниците „Ито-Јокадо“ и „Аеон“, иако им беше дозволено да купат само една вреќа од пет килограми по домаќинство.