Градоначалникот на Општина Карпош, Стевчо Јакимовски, денеска ѝ даде јавна подддршка на градоналчалничката Данела Арсовска  за активностите што деновиве ги спроведува во Чаир, посочувајќи дека таа документирано пред целата македонска јавност и пред сите надлежни институции покажа каде во оваа се гради диво, каде се узурпира државно градежно земјиште и каде се злоупотребува Законот за легализација на нелегално изградени објекти.

Како што рече, не го изненадува тоа што таа го демонстрира, туку односот на премиерот Христијан Мицковски и на министрите Панче Тошковски и Александар Николоски, особено ставот на Мицкоски дека градоначалничката треба да постапува по дивоградбите, иако Град Скопје  нема никакви ингеренции да постапува по дивоградбите.

ВИДЕО | Арсовска започна со објавување на „фељтонот“ со криминали, добивала закани по семејството

Според Јакимовски, на локациите што ги посочува градоначалничката,  узурпирано е градежно земјиште за кое не е платено ниту денар, земјиште кое само на една локација чини 2 милиони евра, а не се платени ни комуналии од милион евра, нема никаков урбанистички план нити маркица за градба на објект.

 Министерот за „заеми“, Николоски, којшто е надлежен за оваа работа кажува дека во општина Карпош тој нема да дозволува да се одобруваат урбанистички планови затоа што во Карпош имало хаос, а замислете, во Чаир имало ред и поредок и го нема никаде да се јави, иако е ова исклучително негова надлежност. А оној „Тарзан“ што се вика Панче Тошковски му поднесе кривична пријава на градоначалникот на Крива Паланка за урбана опрема, а овде кај што има стотици и стотици дивоградби, каде што државата се оштетува за милијарди евра, овде воопшто не се постапува и очигледно дека според нив законите се применуваат по нивен терк само во Карпош, Крива Паланка, Струмица и Центар – рече Јакимовски на денешната прес конференција.

Арсовска: Следува објава на фељтон со докази за криминал за кои никој не постапувал

Тој нагласи дека се спротивставува на ваква правна држава.

Јас го кревам гласот затоа што нивната правна држава сме ја осетиле на своја кожа, затоа што правото го прават неправо, а неправото право и таму каде што е одбиена легализација од страна на Град Скопје и не е одобрена пресметка на комуналии, никому ништо, некој си ги спровел во катастар. Тука имаме организиран криминал во кои имаме корисници, инвеститори,  локална самоуправа, веројатно и катастар, како  и институции кои не постапуваат за оваа работа – посочи градоначалникот на Карпош и додаде „ нас не судат оти работиме по закон, а оние што работат вон закон, за нив никому ништо“.