Трудна невеста од Бразил починала од мозочен удар само неколку минути пред доаѓањето пред олтар, а зад себе го оставила свршеникот и бебето породено со итен царски рез.

Џесика Гуедес, 30-годишна медицинска сестра, била наизглед здрава пред венчавањето во неделата во Сао Паоло. Но почнала да се жали на вртоглавица и болка во вратот.

Сепак боледувала од прееклампсија, пореметување во бременоста заради кое и настрадала, пишува Дејли Мејл.

Нејзиниот свршеник, 31-годишниот пожарникар Флавио Гонкалвез ја чекал пред олтар изненаден од нејзиното доцнење. Во просторијата тогаш влетала нејзина роднина барајќи помош откако невестата се онесвестила во кола.

„Ја отворив вратата од колата, а таа лежеше, но ја врати свеста и разговараше со мене. И реков: Мила тука сум“, раскажа Флавио, кој на својата свршеница и дал прва помош.

Девојката била префрлена во болница, а заради состојбата лекарите морале да и ја отстранат матката.

Изведен бил царски рез за да се спаси 29 недели старото бебе, а младата мајка починала по операцијата.

Детето имало 930 грама и 34 сантиметри, се наоѓа на интензивна нега, па во болницата најверојатно ќе остане најмалку уште два месеца.

„Џесика беше навистина весела личност која го сакаше животот. Толку се радував што ќе станам нејзин сопруг и што ќе станам татко. Ќе бидам силен и нема да ослабам соочен со несреќата. Се уште не можам да верувам што се случи. Засекогаш ќе патам по нејзе“, изјави Флавио.