Минатата година извршителите присилно наплатиле безмалку 160 милиони евра. Ова е втор најголем износ во нивната 18-годишна кариера, по рекордната 2017 година, кога со наплатата надминале 166 милиони евра, покажуваат податоците од Комората на извршители, врз основа на кои порталот „Пари“ ги направи овие пресметки.

Лани имало 93 извршители со 327 вработени, а во 2008 години имало 54 извршители со 231 вработен. Минатата година, бројот на вкупно примените барања за извршување во извршителските канцеларии изнесувал 170.325. Бројот на завршени предмети, пак, бил 76.572.

Комората на извршители е формирана во 2006 година и според нејзината евиденција, за 18 години се наплатиле безмалку 2 милијарди евра.