Ненад Периш, таткото на исчезнатиот сплитќанец Матеј Периш кој исчезна на 30 декември минатата година во Белград, денеска за српските медиуми изјави дека телото вчера пронајдено во Дунав не е на неговиот син.

– Да, полицијата ме контактира во такви ситуации и вчера ми се јавија. Жал ми е за несреќниот човек. Бог нека му даде спокор, рече Ненад и додава:

– Тоа не е Матеј, веднаш ми рекоа од полција зошто несреќниот на себе имал црни патики. Полицијата континуирано врши потрага како на вода така и на копно. И постојано сме во контакт, рече Периш.

Инаку вчера, тело на непознато лице е извадено кај Костолац од страна на рибар кој веднаш ја известил полицијата.

А резултатите од обдукцијата на деловите од телото кој се пронајдени во Дунав со неизвесност ја чекаат и семејствата на седумте жртви на кланот на Вељко Беливук и Марко Миљковиќ кои се осомничени за овие убиства.

Имено, според деталите од обвинението, обвинителството вели дека членовите на кланот киднапирале, касапели и на крајот деловите од телата на своите жртви ги фрлале во Дунав.

Ова е потврдено и од сведоци соработници кои раскажале детали за убиството на седум лица за кои се товари Веља Невоља и Маца Месар кои моментално се во притвор за своите злодела.

Обукцијата на деловите на телото пронајдено кај Костолац ќе трае во наредните неколку денови, а според медиумите станува збор за пронајдени нозе, во фаза на распаѓање кои биле во вода најмалку половина година.

На Веља Невоља и Месар им се заканува казна доживотен затвор за извршените убиства за кои се товарат.