Израелскиот заложник Александар Турбанов (28) изјави дека воените напади во Појасот Газа ги загрозуваат животите на затворениците, повикувајќи на протести во Израел со цел да се изврши притисок да се постигне договор за размена на заробеници со Палестинците.

Видеото од заложникот Турбанов го објави палестинската група Исламски џихад на својот канал Телеграм, пренесува N1.

Турбанов обраќајќи им се на Израелците рече дека треба да се сеќаваат на заложниците секогаш кога ќе јадат или пијат нешто.

„Сакам да ве потсетам дека кога го затворате преминот за да извршите притисок врз Палестинците во Газа, вршите притисок врз нас. Цела година во заробеништво, цела година со животот постојано во опасност поради воените операции кои наводно имале за цел да не ослободат. Борците на Исламскиот џихад неколку пати ми го спасуваа животот за да ја спречат мојата смрт. Некои од нив беа ранети, а други беа убиени обидувајќи се да ме одржат во живот“, рече Турбанов.

⚡️PIJ published a video yesterday showing the Zionist prisoner Alexander Turbanov, who is detained by the Al-Quds Brigades, delivering a message.

“…The government & Netanyahu are looking for us to kill us and return us as corpses. It is a cheap and preferred price for them.”… pic.twitter.com/Uo3g9xg5jj

— Arya – آریا (@AryJeay) May 31, 2024

Заложникот со израелско-руско, двојно државјанство, исто така, рече дека израелското бомбардирање на Појасот Газа ги става во опасност животите на израелските затвореници.

„Сакам да ви кажам дека мојот живот е во опасност секој ден. Воените операции што Нетанјаху ги избра за да обезбеди наше ослободување на крајот ќе доведат до моја смрт. Почнав да се плашам од војската. Се плашам од моментот кога војската ќе дојде кај мене или од моментот кога ќе го бомбардираат местото каде што ме држат“, рече Турбанов.

Турбанов истакна дека многу заложници биле убиени во израелските воздушни напади во Појасот Газа.