Израелската армија денес им нареди на жителите на Кан Јунис, вториот по големина град во Газа, веднаш да се евакуираат, предупредувајќи дека во областа е неизбежен напад од невидени размери.

Во наредбата објавена на платформата X од страна на портпаролот на израелската армија за арапскиот јазик, Авичај Адраџ, се додава дека таа се однесува и на блиските области Бани Сухаил и Абасан.

Тој ги повика цивилите да се движат кон запад, во насока на ал-Маваси, објави телевизискиот канал Ал Џезира.