Израелските одбранбени сили соопштија дека нивните воени авиони извршиле воздушни напади врз позициите на Хезболах во областа на замокот Бофорт во Јужен Либан, како одговор на она што тие го нарекоа терористички активности што го прекршија ноемвриското примирје.

Според соопштението на израелската војска, цел биле „огнените и одбранбените позиции“ на милицијата, вклучувајќи складишта со оружје, воени објекти и подземна инфраструктура што ја користи Хезболах, објави денес „Тајмс оф Израел“.

Нападите се случија откако израелските сили открија активност на Хезболах во областа, што, според нив, е кршење на постоечкиот договор за деескалација на тензиите по израелско-либанската граница.

Хезболах сè уште официјално не го коментираше израелскиот напад.