Израелската армија започна со мобилизација на десетици илјади резервисти и постојано предупредувања за евакуација со цел да ја прошири офанзивата врз градот Газа.

Како што објавува АП, новиот бран на мобилизација доаѓа во време кога копнените и воздушните сили на Израел започнаа напади врз населбите Зејтун и Шиџали во градот Газа.

Пред војната, Зејтун беше квартот со најмногу пазари, училишта и болници во градот, а сега, според медиумите, е срамнет со земја, а израелската армија го нарекува подрачјето „опасна зона за борбени дејствија“.

Израелската војска тврди дека Хамас сè уште има мрежа од подземни тунели во населбата, која не успеа да ја загрози и покрај постојаните напади.

Во градот Газа има стотици илјади бегалци од целиот Појас Газа.