Воената полиција на израелската армија започна истрага за најмалку шест случаи во кои израелски војници користеле Палестинци како жив штит во Појасот Газа, објави весникот „Хаарец“.

Весникот наведува дека за време на војната во Појасот Газа, имало неколку извештаи дека израелските војници испратиле заробени Палестинци да пребаруваат згради и подземни тунели на палестинската милитантна група Хамас пред војниците, а со тоа ги загрозиле животите на Палестинците, објави Тајмс оф Израел.

Израелските одбранбени сили (ИДФ) го потврдија извештајот на Хаарец, наведувајќи дека израелската армија дејствува во согласност со меѓународното право и воените прописи.