Измешани реакцииите на лидерите на Израел, Иран и Обединетите нации откако американските сили ноќеска нападнаа три ирански нуклеарни постројки.

Израел ја пофали одлуката на претседателот Доналд Трамп до ОН кој повика на деескалација и Иран и некои други земји кои ги осудија нападите.

„Честитки, претседателе Трамп. Вашата смела одлука да ги таргетирате нуклеарните постројки на Иран со импресивната и праведна моќ на Соединетите Американски Држави ќе ја промени историјата… Историјата ќе забележи дека претседателот Трамп дејствувал за да му го одземе најопасниот режим во светот најопасното оружје во светот.“ – напиша израелскиот премиер Бенџамин Нетанјаху.

Иранскиот министер за надворешни напади, Абас Аракчи на „Икс“ напиша дека настаните од ова утро се скандалозни и ќе имаат трајни последици.

„Соединетите Американски Држави, постојана членка на Советот за безбедност на Обединетите нации, извршија сериозно кршење на Повелбата на ОН, меѓународното право и Договорот за неширење на нуклеарните зони (NPT) со напаѓање на мирни нуклеарни инсталации на Иран. Настаните утрово се скандалозни и ќе имаат трајни последици. Секоја членка на ОН мора да биде вознемирена поради ова исклучително опасно, беззаконие и криминално однесување. Во согласност со Повелбата на ОН и нејзините одредби што дозволуваат легитимен одговор во самоодбрана, Иран ги задржува сите опции за да го одбрани својот суверенитет, интереси и народ.“ – соопшти Аракчи.

Генералниот секретар на Обединетите нации, Антонио Гутерес ја сподели неговата загриженост откако САД употреби сила против Иран и смета дека ова е опасна ескалација во регион за кој смета дека веќе е на работ.

„Сериозно сум вознемирен од употребата на сила од страна на Соединетите Американски Држави против Иран денес. Ова е опасна ескалација во регион кој е веќе на работ – и директна закана за меѓународниот мир и безбедност. Постои растечки ризик овој конфликт брзо да излезе од контрола – со катастрофални последици за цивилите, регионот и светот. Ги повикувам земјите-членки да ја деескалираат тензијата и да ги исполнат своите обврски според Повелбата на ОН и другите правила на меѓународното право. Во овој опасен час, од клучно значење е да се избегне спирала на хаос. Нема воено решение. Единствениот пат напред е дипломатијата. Единствената надеж е мирот.“

Реакциите следат откако Трамп даде „зелено светло“  по што  бомбардери на САД ноќеска нападнаа три нуклеарни постројки на Иран.

САД бомбардираa три нуклеарни постројки во Иран