Израел објави основање на 22 нови еврејски населби во окупираниот Западен Брег, вклучително и легализација на утврдувања веќе изградени без владини дозволи, објави денес Министерството за одбрана.

Министерот за одбрана Израел Кац рече дека одлуката „го зајакнува присуството на Израел во Јудеја и Самарија“ – како што израелските власти го нарекуваат Западниот Брег – и претставува „решителен одговор на палестинскиот тероризам“, објави АП.

Тој додаде дека тоа е „стратешки потег што го спречува формирањето на палестинска држава, што би ја загрозило безбедноста на Израел“.