Заживување на ливадите како бизнис идеја – ова е еден од предлозите за кои периодов се дискутира во Србија.

Во Еко Фарм Кладово се одржа заеднички состанок на Групата за рурален туризам и Групата за кампување, глампинг и туризам на отворено на Туристичкото здружение при Стопанската комора на Србија, со цел развој на интегрирани туристички производи и зајакнување на видливоста на Источна Србија како дестинација за активни и автентични одмори, пренесува Блиц.рс.

Кристина Миленовиќ, потпретседател на Групацијата за рурален туризам, ја нагласи важноста на здружувањето во руралниот туризам и поврзувањето на домаќинствата на руралните туристи со локалните производители на храна и даватели на разни услуги. Особено, таа посочи на можноста за ставање на располагање на ливадите во рамките на домаќинствата за кампување, што дополнително би ја збогатило понудата и привлечноста на дестинациите.

Владимир Ѓумиќ, претседател на Групацијата за кампување, глемпинг и туризам на отворено, ја нагласи важноста од развивање модел на кампување и рурален туризам што се потпира на локалната традиција, гостопримството и одржливоста.

„Активниот одмор е движечка сила на современиот туризам и можност Србија да стане лидер во овој сегмент“, рече Ѓумиќ.

Повеќе од 30 учесници на сесијата имаа можност да ја посетат Еко фармата, која, како дел од понудата на модерни бунгалови, нуди и мини зоолошка градина, гастрономски специјалитети од локални состојки и можност за активно учество во работата на фармата со цел да се создаде автентично искуство за посетителите.