Непознати измамници ги користат социјалните мрежи со цел да пласираат лажни интервјуа на Новак Ѓоковиќ и да ги изманипулираат за да добијат пари.

Ова го тврди адвокатот Горан Драганиќ, законскиот застапник на најдобриот тенисер во светот, кој достави соопштение медиумите поради измамата која се појави на социјалните мрежи.

– Ја информирам јавноста дека во последните неколку дена социјалните мрежи и медиумите повторно се преплавени со нови лажни интервјуа и лажни изјави на Новак Ѓоковиќ во врска со наводни трансакции со криптовалути.

Ова се најсериозните измамнички дела, во овој момент на непознати сторители. Поднесовме кривична пријава до Вишото јавно обвинителство – Специјално одделение за високотехнолошки криминал.

Очекуваме најитна реакција на надлежните органи во пронаоѓањето на сторителите на овие измамнички дела – се наведува во изјавата потпишана од адвокатот Драганиќ.

Да додадеме уште дека Ѓоковиќ денеска игра полуфинале на грен слем турнирот „Ролан Гарос“ во Париз, а негов противник е Стефанос Циципас од Грција.