Познатата измама со лажен телефонски повик за наводна сообраќајна несреќа деновиве успеала во Тетово, каде жена дала 20.000 евра на непознати луѓе за нејзината ќерка да биде оперирана по наводна сообраќајна несреќа.

„На 07.08.2025 во 21:00 часот во СВР Тетово, 76-годишна жена од градот пријавила дека била измамена од едно лице за сума од 20.000 евра. Според пријавеното, лицето ја контактирало телефонски, се претставило како лекар и ѝ кажало дека нејзината ќерка била прегазена на пешачки премин и дека е потребно да плати за да биде оперирана. Како што е пријавено, ги зела парите и со нејзиниот сопруг отишла на договореното место во Скопје, каде што ги предала парите на женско лице. Откако се вратиле во домот во Тетово, ќерката била таму, по што сфатила дека е измамена. Се преземаат мерки за расчистување на случајот“, пишува во полицискиот билтен.