Измамник од Скопје, кој се претставил како полицаец, однел 50.000 денари од 85-годишен жител на Скопје, на кого му верил дека ќе му помогне да се излечи неговиот син, како и дека ќе му најде работа, соопшти полицијата.

„На 04.11.2024 во 11.00 часот во СВР Скопје, 85 – годишен жител на Скопје пријавил дека на 01.11.2024 бил измамен од едно лице за сума од 50.000 денари. Според пријавеното, лицето се претставило како вработено во МВР и му кажало дека ќе му помогне да го излечи неговиот син, а потоа и да го вработи за што му ги побарал парите. Како што е пријавено, откако му ги дал парите, телефонот на лицето не бил достапен, по што сфатил дека е измамен“, велат од МВР.

Се преземаат мерки за расчистување на случајот.