Изгоре целата документација на Инспекторатот за животна средина
Не знаеме што е зачувано на компјутерите, а што не. Ова ќе биде огромна штета за нас, само мојата канцеларија не е уништена, вели за „360 степени“, директорот на Инспекторатот, Фејзула Спахија.
Препорачано
Во пожарот кој денеска изутрина ја зафати зградата на поранешна Комерцијална банка најмногу штета претрпе Државниот инспекторат за животна средина. Огнот, кој според првичните информации настанал од дотраеност на електричната инсталација, ја уништи целата архива на Инспекторатот и дел од канцелариите.
Дополнително, при гасење на пожарот од водата се уништени и дел од компјутерите и инвентарот во канцелариите на инспекторите, вели за „360 степени“, директорот на Инспекторатот, Фејзула Спахија.
-Ни се отвори голем проблем сега, изгоре целата документација. Последните предмети се кај инспекторите, но и таму пожарникарите интервенирале со вода. Не знаеме што е зачувано на компјутерите, а што не. Ова ќе биде огромна штета за нас. Само мојата канцеларија не е уништена. Ќе побарам средба со министерот за животна средина за да ни најдат простории каде би можеле да се сместиме. Целокупната штета допрва ќе ја проценуваме- вели Спахија.
Директорот Спахија не верува дека пожарот е подметнат.
Храбрите пожарникари ја смирија огнената стихија кај Секретаријатот (ФОТО)
