Изборната комисија (РИК) во Србија соопшти  дека го отфрлила приговорот на опозициската коалицијата „Србија против насилството (СПН) за поништување на изборите, пренесува Бета.

Како што стои во соопштението, таа листа за избори во градот Белград не е овластена да поднесува барање до Републичката изборна комисија.

Заменик-претседателот на РИК, Марко Јанковиќ, рече дека приговорот е поднесен од овластените лица од белградската листа до Градската изборна комисија (ГИК), која се прогласила за ненадлежна и го доставила до РИК на одлучување.

Тој истакна дека „Србија против насилството“ поднела жалба до Врховниот суд во Белград кој одлучил истата да ја отфрли како неоснована, односно дека ГИК навистина не е надлежна за ова прашање.

Јанковиќ додаде и дека СПН побарала поништување на сите места кои се во надлежност на комисијата, тргнувајќи, како што наведе, од фактот дека изборите се спроведени во атмосфера на грубо кршење на правилата и дека изборите биле незаконски.