Без разлика на одзивот на вонредните избори за четирите општини на северот на Косово новите градоначалници на Северна Митровица, Лепосавиќ, Зубин Поток и Звечан, ќе се изберат, а Централната изборна комисија на Косово ќе ги верификува резултатите од изборите, изјавил Ваљмир Елези портпаролот на Централната изборна комисија, објави Kosovo Online.

Според Елези, Законот за општи избори и законот за локални избори не го ограничуваат одѕивот на гласачите во општината, за истиот да биде потврден од Централната изборна комисија на Косово.

Нема ограничувања ниту за бројот на овластени кандидати за учество на изборите.

„Затоа, на гласачкото ливче може да има само еден кандидат за градоначалник на одредена општина кој е заверен од Централната изборна комисија за учество на изборите“, рече тој.

Како пример, Ељези ги наведе последните локални избори во 2021 година, кога имаше само еден кандидат за градоначалник на општина Ранилуг.

Претседателката на Косово, Вјоса Османи, за 18 декември распиша вонредни избори за Северна Митровица, Лепосавиќ, Зубин Поток и Звечан.