Секој глас мора да се преброи, побара денеска демократскиот кандидат за претседател на САД, Џо Бајден во време кога во неколку клучни сојузни држави се уште се бројат гласачките ливчиња. Набрзо потоа стигна одговор од републиканскиот противкандидат и актуелниот претседател Доналд Трамп, кој побара запирање на броењето.

Според проекциите на медиумите, Бајден во моментот е во блага предност во трката за американски претседател со досега обезбедени 253 електорски гласа или 17 помалку од потребните 270 за влез во Белата куќа. Трамп има 213 гласа.

Резултатите од изборите, сепак, сè уште не се познати во Аризона, во Џорџија, во Невада, во Северна Каролина, во Пенсилванија и во Алјаска.