Исламската верска заедница (ИВЗ) ја осудува руската агресија врз Украина и го поздрави единството на ЕУ и САД во нивните максимални напори да се запре оваа агресија која го загрозува човечкиот живот.

Официјален орган на Исламската верска заедница (ИВЗ) изрази голема загриженост за руската агресија врз Украина „каде што многу луѓе загинаа и е причинета огромна штета“.

– Ја осудуваме оваа нечовечка агресија, која го загрозува мирот не само во регионот, туку и во целиот свет – соопшти ИВЗ.

Првиот човек на ИВЗ реис-ул-улема Шаќир Фетаи уште еднаш изјави дека негувањето на мирот во земјата и регионот е приоритет на ИВЗ, затоа ги замоли верниците и верските претставници да бидат внимателни во изјавите и во ставовите што му штетат на мирот и во исто време да придонесат кон оваа насока. Поглаварот на ИВЗ се сретна и со амбасадорот на ЕУ во земјава Дејвид Гир, во седиштето на ЕУ во Скопје.