Македонскиот тенисер Калин Ивановски и покрај големата борба не успеа да го изненади вториот носител Калвин Емери на челинџер турнирот во францускиот град Троа. По два часа интензивна игра, Ивановски загуби со 2-0 во сетови (7-6, 6-4).

Првиот сет помина без ниту еден брејк, а Ивановски во осмиот гем успеа да спаси четири брејк топки. Сетот се решаваше во тајбрејк, каде што македонскиот тенисер имаше и сет топка, но сепак Французинот беше поснаодлив и го доби со 8-6.

Во вториот сет, клучниот момент се случи во петтиот гем, кога Емери направи брејк за водство од 3-2. Во завршницата, во 10. гем, Ивановски се обиде да се врати во мечот и спаси две меч топки и не реализираше две брејк шанси, но Французинот остана цврст на својот сервис и го приведе натпреварот до крај.

Следен предизвик за Ивановски ќе биде турнирот романскиот Јаши.