На Јувентус веќе му се одземени 15 бодови со одлука на Италијанската фудбалска федерација поради финансиски малверзации најмногу во периодот на ковид-пандемијата.

Многумина се изјаснија, дури и играчи како Кристијано Роналдо и Пауло Дибала. Аргентинецот даде вистински увид во состојбата на Јувентус за време на пандемијата, додека Португалецот се сврте кон правниот пат и планира да ја тужи „Старата дама“ за неплаќање на договореното.

Одземените 15 бода целосно ги урна шансите на Јувен во трката за најдобрите четири сезонава во Серија А, а под знак прашалник е и учеството во Лига Европа доколку тимот продолжи да игра како во претходниот период. Но, тоа не е сè. Поради неизвесноста за иднината на клубот, играчите веќе побарале состанок со сопственикот на клубот Џон Елкан, играчите не се сигурни за останување во Торино.

? The FIGC Prosecutor is ready to ask for a minimum 20 point penalty in the salary manoeuvre case, which is to be judged much more severely than the capital gains case. Add to the 15 points already deducted, Juve will be in last place in Serie A. [@CorSport] #Juventus

— All Things Juventus (@allthingsjuve_) February 2, 2023

CdS – Manovra stipendi, per la Juventus si attendono almeno altri 20 punti di penalizzazione https://t.co/3SfL2b8PKh

— FcInterNews.it (@FcInterNewsit) February 2, 2023

„Кориере дело спорт“ носи нови лоши вести за „бјанконерите“, односно федерацијата би можела да го казни Јувентус со дополнителни 20 бода поради нерегулирани плати.

Првата казна од „минус 15 бодови“ беше за непријавен профит, втората би можела да биде уште поголема, а таа може да значи и испаѓање на клубот во Серија Б. Рочиштето е закажано за март, додека одлуката ќе биде донесена меѓу април и мај.