Италијанскиот тренер Николо Наполи (59) по осми пат во кариерата го презеде кормилото на романскиот прволигаш Крајова, што можеби е светски рекорд, кога е во прашање доаѓањето на клупата на една екипа.

Последен пат Наполи ја водеше Крајова во 2020 година кога си замина по осум натпревари.
Овој тим се бори за опстанок а италијанскиот тренер е четврти предводник од клупата на романскиот тим оваа сезона. Пред него предводници беа Адријан Муту во 12 натпревари, а Флавиус Стојкан и Еуген Трица во четири.

На првиот тренинг на тимот, Италијанецот стапи во контакт и со навивачите. Некои го бодреа, иако имаше навивачи кои извикуваа дека овој тренер им здодеал.

Наполи првтап седна на клупата на Крајова во 2004 година, а потоа се врати во 2007 година и остана две сезони. Тој повторно стана тренер во 2011 година кога на клупата се задржа само пет натпревари и повторно се врати во 2013 година. Пред четири години тој стана тренер на овој романски тим по петти пат, а една година подоцна тоа го стори и шести пат.