Откако не успеа да обезбеди пласман во групната фаза од Лигата на шампионите и беше елиминиран од Бенфика во плеј-офот, турскиот гигант Фенербахче се одлучи на смена на тренерската позиција и му врачи отказ на Жозе Мурињо.

Иако медиумите шпекулираа со неколку звучни имиња како можни наследници Анге Постекоглу, Един Терзиќ, па дури и Зинедин Зидан, челниците на клубот на крајот се одлучија за Италијанецот Доменико Тедеско.

„Доменико Тедеско е именуван за главен тренер на нашиот клуб“, соопштија денеска од Фенербахче.

Тедеско со клубот од Истанбул потпиша двегодишен договор, а ќе му помага поранешниот репрезентативец на Турција, Гокан Гонул.

Во својата тренерска кариера, Тедеско ги водеше Шалке 04, Спартак Москва, РБ Лајпциг и Ерцгебирге Ауе, а сега добива нов голем предзивик.