Вицепремиерот и министер за надворешни работи на Италија, Антонио Тајани, денес изјави дека Израел би направил сериозна грешка ако одлучи да ја окупира Газа.

Во разговор со новинарите во Долниот дом на Парламентот, Тајани повтори дека Италија не е подготвена да ја признае државата Палестина, пренесува Анса.

„Признавањето на Палестина кога Палестина не постои е правна фикција, тоа не е дури ни политичка одлука. Ние сме за палестинска држава, тоа е јасно, тоа го кажуваме со години“, истакна тој.