Утре во Техеран ќе се одржат јавни погреби за 60 високорангирани ирански офицери и нуклеарни научници што беа убиени за време на 12-дневната војна што ја објави Израел.

Церемониите ќе започнат во 8 часот по локално време во центарот на иранската престолнина, на Плоштадот на револуцијата.

– Таму ќе биде организирана кратка церемонија, а потоа погребните поворки на мачениците ќе се движат кон Плоштадот на слободата, кој е оддалечен 11 километри – изјави денеска за државната телевизија Мохсен Махмуди, верски службеник во покраината Техеран.

– Утре (сабота) ќе биде историски ден за исламски Иран и историјата на револуцијата – додаде тој, велејќи дека ќе бидат организирани „погреби на 60 маченици“