ИСТОРИЈА: Хамилтон го собори рекордот на Шумахер!
Возачот на Мерцедес, Луис Хамилтон испиша нови страници во историјата откако стана рекордер во Формула 1 по бројот на победи.
Британецот на патеката Алгарве по 92. пат во својата кариера се најде на највисокот место на победничкиот пиедестал и стана возач со најголем број на победи во Формула 1.
Хамилтон до рекордот дојде во својата 14. сезона, односно во 262. трка во кариерата и притоа славеше на 28. различни патеки.
Препорачано
Претходниот рекорд во бројот на победи во сопственот на Михаел Шумахер опстојуваше 14 години, поточно од трката за Големата награда на Кина која се возеше во 2006 година.
Хамилтон до победата на патеката Алгарве во Португалија дојде со 25 секунди предност пред својот клупски колега, Валтери Ботас, додека третото место му припадна на Макс Фестапен од Ред Бул.
Актуелниот шампион немаше најдобар старт на дождот и од пол позицијата падна на третото место зад Ботас и Карлос Саинс од Мекларен. Но, кога престана дождот и патеката почна да се суши, двоецот на Мерцедес веднаш го претекна Саинс и ги врати водечките позиции. Во 20. круг, Хамилтон успеа да го помине клупскиот колега и до крајот на трката не ја испушти водечката позиција, додека Ботас мораше да се задоволи само со второто место.
Ферстапен ја доби битката со Шарл Леклер од Ферари за третото место, додека петтата позиција му припадна на Пјер Гасли од Алфа Таури, а Саинс беше шести, додека Серхио Перез заврши на седмото место.
