Општините од источна Македонија решија заеднички ќе борат со „белата чума“ и формираа Социјален совет, кој ќе се обиде да ги реши најголемите проблеми- негативниот природен прираст и грижата за повозрасните, објави ТВ24.

Статистиките се поразителни, велат локалните власти. Во последниве десет години, бројот на стари лица пораснал за 33 %, што значи дека секој пети граѓанин во општините на Истокот од државата има над 65 години. Тоа заедно со пелагонискиот регион го става на врвот по оваа неславна статистика.

Во регионот со најстаро население во државата има само еден Дом за стари лица во Берово. Општина Кочани има добиено 30 милиони денари од државниот буџет за 2022 за да почне да гради дом за стари лица. Штип ќе го чека законот за легализација на дивоградби.

Социјални совети ќе добијат сите осум плански региони. Првиот е формиран во Североисточниот регион и веќе се набавени превозни средства за децата со посебни потреби.