Потсетување дека Пол Погба поради употреба на допинг доби 18 месеци суспензија, но од денеска веќе има право повторно да игра професионален фудбал.

Овој 32-годишен Французин е слободен играч откако во октомври минатата година го раскина договорот со Јувентус.

Погба моментно живее на Флорида, САД а се тврди дека голема е веројатноста да потпише со Интер Мајами каде настапуваат Лионел Меси и Луис Суарез.

Погба беше забележан како се среќава со претседателот на клубот Дејвид Бекам, а потоа присуствуваше на натпреварот на тимот против Њујорк сити на 23 февруари. Трансфер пазарот во САД е отворен до 23 април.

Францускиот играч за врска последен пат беше на теренот на 3 септември 2023 година, а оттогаш тренира само индивидуално. Погба досега во својата клупска кариера настапуваше за Манчестер јунајтед и Јувентус.