Исповед на Антони: Скокав мртво тело, дриблав гангстери и дилери…од што би се плашел на теренот?
Во пресрет на Светското првенство бразилецот Антони зборуваше за своето детство и тешкиот период низ кој морал да помине. Актуелниот фудбалер на Манчестер Јунајтед е благодарен што имал дарба од Бог која го спасила од фавелите.
Препорачано
Неодамна во натпреварот против Шериф, Антони направи потег поради кој доби критики. Стануваше збор мала атракција за публиката која не донесе нешто корисно на теренот. Сега Антони разговараше за „Плејрс Трибјун“.
Низ детството поминал тешки моменти, а гледањето мртви тела, пиштоли и дрога во фавелите била нормална работа, токму тоа му помогнала да израсне во личност каква што е денес.
„Моите пријатели родени во Европа можеби само слушаат за фавелите, но да сте таму е вистински пекол. Растев во Сао Паоло во фавела која го носеше името „Инферињо“ што во превод е „мал пекол“. Во прашање е злогласено место. На 15 чекори од вратата на мојот дом секогаш имаше дилери на дрога, секојдневно гледавме како си предаваат роба. Толку многу се навикнавме да гледаме пиштоли што воопшто не ни беше страв“, раскажува Антони.
Колку било тешко се живее во тоа место опишува со ситуација која го затекнала додека одел на училиште.
„Имав 8 или 9 години и додека одев на училиште наидов на човек како лежи покрај улициата. Се доближив до него и сфатив дека е мртов. Кога живеете на вакво место колку и да звучи неверојатно се навикнувате на вакви работи. Немав друг пат, па само скокнав преку мртвото тело и си продолжив по патот“.
Фудбал играле сите учителите, градежниците, па и дилерите и гангстерите…
„Во фавелата сите заедно играат фудбал. Кога татко ми бил дете играле на земја, јас играв на асфалт, прво бев бос затоа што немавме пари за патики. Нозете и стапалата секојдневно ми беа крвави. Иако бев мал дриблав со злобоност, дриблав дилери, гангстери, крадци…Дриблањето беше мој природен инстикт, ако тогаш не се плашев од што би се плашел денес на теренот?“, зборуваше сегашниот фудбалер на Манчестер Јунајтед.
Сега Антони го очекува Мундијалот во Катар кој стартува в недела со натпреварот помеѓу домаќинот и Еквадор од 17:00 часот.
