Кандидатот за пратеник на ВМРО-ДПМНЕ во третата изборна едница објави дека на ден пред гласање, разбиена е неговата пратеничка канцеларија во Кочани.

„Одржав пресс пред ОВР Кочани, веднаш по пресот на Бојмацалиев. Дали инсистирањето на техничката Влада и на Бојмацалиев да нема никакви кадрови поместувања во Кочани беше токму со оваа цел, односно за да се шири страв и несигурност“, објави Лефков на Фејсбук.

Дополнителниот заменик-министер за внатрешни работи Митко Бојмацалиев кој денеска беше во посета на ОВР Кочани на фејсбук објави дека е пронајден сторителот што обил во канцеларијата на пратеникот.

„Во врска со случајот на разбиената пратеничка канцеларија на пратеникот Миле Лефков, би сакал да ја информирам јавноста дека МВР го расчисти случајот – сторителот е пронајден“, напиша Бојмацалиев на Фејсбук.