Иранските власти во вторник обесија тројца мажи кои беа прогласени за виновни за соработка со израелската шпионска агенција Мосад.

Во исто време, тие беа прогласени за виновни и за шверц на материјал што бил употребен за извршување на целно убиство во земјата, објави новинската агенција Мизан, орган на судскиот систем на Исламската Република.

„Идрис Али, Азад Созаи и Расул Ахмад, кои се обидоа нелегално да увезат опрема за извршување атентати во земјата, беа уапсени и судени за (…) соработка“ со Мосад, шпионската агенција на „ционистичкиот режим“ (на Израел).

„Нивната казна беше извршена утрово (…) тие беа обесени“, соопшти иранското судство.

Егзекуциите се случија во Урмија (северозапад), во близина на границата со Турција, според истиот извор, кој објави фотографии од тројцата мажи во сини затворски униформи.

Three Kurdish men were executed this morning on charges of spying for Israel.

Azad Shojaei, Edris Aali, Rasoul Ahmad Rasoul executed for corruption on earth & waging war against god

They were tortured savagely by security forces to make concessions. They rejected the charges pic.twitter.com/r2o4Vm3xkT

— CSHR (@CSHRIran) June 25, 2025

Иранската новинска агенција Фарс и државната „Нурњуз“ објавија дека осомничените биле уапсени за време на 12-дневната војна на Израел со Иран.

Иранските безбедносни сили уапсија повеќе од 700 лица осомничени за учество во израелската „шпионска мрежа“ во земјата.

За време на воениот напад на Израел врз Иран, беше спроведена и невидена операција од страна на израелската разузнавачка служба, која вклучуваше целни атентати на високи воени функционери и истакнати нуклеарни научници, како што објави Ал Џезира.