Иранските судски власти денес објавија дека тројца мажи осудени за кражби биле подложени на ампутација на раце, казна што ретко се изрекува, но е предвидена во иранскиот кривичен законик.

Таа обично се применува во случаи на повторени кривични дела.

„Казната ампутација на раце за тројца професионални крадци, кои извршиле бројни кражби, е извршена во покраината Западен Азербејџан“, во северозападен Иран, според иранската агенција Мизан Онлајн, која е поврзана со судските власти во земјата.

Според истиот извор, осудените биле уапсени пред неколку години и против нив имало десетици жалби од различни покраини во земјата.

Мизан Онлајн нагласува дека ампутацијата е извршена откако Врховниот суд ја потврдил казната откако осудените одбиле да ја вратат украдената стока – главно златен накит.

Во последниве години, невладините организации за одбрана на човековите права постојано го осудуваат извршувањето на казни за ампутација во Иран.