Шест шпиони на Мосад беа приведени денес во иранскиот град Хамадан, објави агенцијата Мехр.

Според извештаите, шпиони беа идентификувани и уапсени во градовите Разан, Нахаванд и Хамадан, поради обид за постигнување на целите на израелската разузнавачка служба.

Како што е наведено, преку сајбер активности и комуникација со агенти, тие се обидоа да предизвикаат јавни немири и да „го оцрнат угледот на Иран“, но нивните обиди беа спречени.