Иран денес објави апсење на пет лица што ги претстави како агенти на израелската разузнавачка агенција Мосад, кои беа обвинети за „оцрнување“ на имиџот на Исламската Република на интернет, објавија неколку локални медиуми“.

„Овие платеници, со своите намерни сајбер активности, се обидоа да предизвикаат загриженост во светот и да го оцрнат имиџот на светиот систем на Исламската Република Иран“, објавија иранските новински агенции Исна и Тасним, повикувајќи се на соопштение од Револуционерната гарда , елитен корпус на иранските вооружени сили.

Апсењата се случија во западен Иран, во покраината Лорестан.

Во петокот, по почетокот на израелските напади, иранското Министерство за транспорт објави привремени ограничувања на интернет во земјата. Многу веб-страници и апликации оттогаш се делумно или целосно недостапни.

Иранските власти во вторник го повикаа населението да „ја минимизира употребата на уреди поврзани со интернет и да биде претпазливо“ на интернет, според новинската агенција Исна.

Иран: Властите погубија човек обвинет за шпионажа за Мосад