Иран соопшти  дека е нереално што Меѓународната агенција за атомска енергија (МААЕ) смета дека може толку брзо да изврши инспекција на нуклеарните постројки погодени од американските и израелските напади.

Официјален Техеран, исто така, информираше дека не може да ја гарантира безбедноста на инспекторите.

Есмаил Багеи, портпарол на иранското Министерство за надворешни работи, денес на прес-конференција изјави дека Иран не може да ги разбере барањата на генералниот директор на МААЕ, Рафаел Гроси, за враќање на нормалната соработка толку брзо по нападот.

Според иранските државни медиуми, Багеи рекол дека резолуцијата на МААЕ од мај, во која се вели дека Иран не ги исполнува своите нуклеарни обврски, станала изговор за она што тој го нарече нелегална агресија од страна на Израел и САД и дека надзорното тело на Обединетите нации треба да биде повикано на одговорност.

Тој исто така рече дека постигнувањето на безбедноста на инспекторите на МААЕ е важно, но дека Иран сè уште не спроведел прецизна и сеопфатна проценка на обемот на штетата врз неговите нуклеарни постројки.

Багеи рече дека Организацијата за атомска енергија на Иран спроведува преглед.