Режимот во Техеран продолжи со јавните егзекуции со бесењето на 35-годишниот Иранец Мохсен Лангарнешин по неговата пресуда за шпионажа и соработка со израелските разузнавачки служби.

Според новинската агенција Мизан, која е поврзана со иранското судство, Лангарнешин бил обвинет за вмешаност во неколку случаи, вклучувајќи ја и смртта на полковник на Револуционерната гарда во 2022 година.

Mohsen Langarneshin’s parents are outside Evin Prison, pleading for a halt to his execution set for dawn.
The 34-year-old network security expert is convicted of alleged involvement in IRGC assassinations despite NO evidence and confirmed alibis. His confession was obtained under… pic.twitter.com/u7BKtrXkj6

— Maral (@Maraalxx) April 29, 2025

„Во текот на двете години додека служел како шпион (…) бил одговорен за значајни дејствија, вклучително и поддршка на терористички операции и присуство на местото на атентатот врз Саид Ходаји“, објавија иранските државни медиуми.

Според истиот извор, 35-годишникот, исто така, обезбедил оперативна поддршка за напад насочен кон индустриски центар во Исфахан, поврзан со Министерството за одбрана.

Според иранските медиуми, погубениот Иранец „ги прифатил обвиненијата“.

Неколку часа пред егзекуцијата, родителите на 35-годишникот се снимени пред затворот каде што бил притворен и упатиле последен апел нивниот син да не биде обесен, барање кое не било прифатено.