Властите во Латинска Америка како дел од големата операција предводена од Меѓународната полициска организација (Интерпол) во периодот од 12 март до 2 април, уапсија 14.260 лица и конфискуваа околу 200 тони кокаин и друга дрога чија вредност достигнува околу 5,7 милијарди долари.

За време на акцијата биле запленети повеќе од 8.200 нелегални оружја и 305.000 чаури. Се вели дека операцијата била спроведена во 15 земји.

Севкупно, властите разбија 20 криминални групи, вклучително и бразилскиот криминален синдикат Primeiro Comando da Capital, салвадорската младинска банда Мара Салватруча и Балканскиот картел, кој исто така е активен во Јужна Америка.

„Фактот дека операцијата за конфискација на оружје резултираше со заплена на толку голема количина дрога докажува дека овие злосторства се меѓусебно поврзани“, рече генералниот секретар на Интерпол, Јирген Сток.

меѓу другото  „Мрежите за организиран криминал со сите нивни незаконски активности имаат само еден приоритет, профит. Ние, како службеници за спроведување на законот, мора да покажеме одлучност да ги уништиме овие групи во секој регион во светот“, рече  Сток.