Институтот за јавно здравје почна да испитува дали во земјава е пристигната делта плус варијантата на коронавирусот, информира за „Слободен печат“ директорот на ИЈЗ Шабан Мемети.

Брисевите се испитуваат на повеќе локации, меѓутоа досега не е детектиран ниеден заразен со оваа варијанта во земјава. Делта плус варијантата е агресивна и заразна и претставува главна главоболка на здравствените власти во западноевропските земји. Според епидемиолозите, најризична е младата популација бидејќи е најслабо вакцинирана.

Симптомите се кашлица, главоболка, температура, суви очи, проблеми со дишењето, немање апетит и проблеми со стомакот.

Сè за делта плус видот на коронавирусот што му се заканува на Европа: Тешко е да се препознае по неговите симптоми