Зоолошката градина во Скопје попладнево соопшти дека инспектори на Агенцијата за храна и ветеринарство (АХВ) без налог, решение или каков било друг доказ упаднале во Зоолошката и убиле десетици птици.

ЗОО Скопје, како што се наведува, за ова дело ќе поднесат кривични пријави против директорот на АХВ, инспекторите и лицата кои со оружје упаднале во ЗОО Скопје.

– Од изутринава, без налог, решение или каков било друг доказ инспектори на АХВ придружувани од лица со оружје упаднаа во ЗОО Скопје и извршија масакр врз птиците.

Без образложение, овие лица по наредба на директорот на АХВ, а без доказ до овој момент убија неколку десетици птици кои слободно се шетаа во зоолошката градина.

Станува збор за украсни видови на шатки и гуски кои живеат во градскиот парк, а имаат природен пристап во зоолошката градина од градскиот парк, обвинуваат од Зоолошката градина.

Од Зоолошката градина посочуваат дека целта е да се предизвика нов измислен проблем, и да се обезбеди алиби за затворање на ЗОО Скопје со цел наштетување на угледот.

Зоолошката градина во Скопје денеска е затворена, а на социјалните мрежи и во медиумите беа лиферувани информации за појава на „птичји грип“.

Од АХВ за МИА потвдија дека нивни инспектори се во ЗОО Скопје и дека со во текот на денов со соопштение ќе информираат за што станува збор.

Клуч на скопската зоолошка градина, утврден е птичји грип