Граѓанската иницијатива О2 на својата Фејсбук група упатува безброј прашања и забелешки во однос на хаваријата што се случи денес во Охис, каде истекоа шест тони вода со елементи на опасна хемикалија, метил акрилат мономер.

Иницијативата О2 во објавата бара фирмата „Екоцентар 97“, да сноси кривична одговорност, една за хаваријата, втора за непријавување и непостапување според протокол. Воедно да се  провери и на начинот на кој работи оваа фирма.

Оттаму поставуваат прашање до сите надлежни, особено до Државниот инспекторат на животна средина: Зошто фирмата „Екоцентар 97“, не пријавила согласно протоколот по кој требало да постапува во случај на хаварија?