Најмалку 47 луѓе се верува дека се заробени откако се урна дел од глечер во индиската држава Утараханд , на Хималаите , објавија денеска локалните медиуми.

Инцидентот се случи во близина на автопат во областа Чамоли во државата, на помалку од пет километри од популарниот хинду храм Бадринат, кој секоја година го посетуваат стотици илјади луѓе.

Најмалку 57 работници вклучени во градежни работи на патишта во областа, на границата со Тибет, беа заробени, изјави полицискиот службеник Нилс Ананд Барн за новинската агенција АНИ.

„Од нив, 10 работници беа спасени и префрлени во кампот (лоциран) кај (селото) Марна во критична состојба“, додаде тој.

Спасувачките екипи се соочуваат со потешкотии да стигнат до местото каде што се верува дека 47-те работници се заробени поради обилните снежни врнежи, објави и АНИ .