Натпреварот во лежење во Црна Гора се уште трае, а денес е 44-ти ден како натпреварувачите лежат. Останаа уште тројца, а досега ова изгледа се претвори во психолошки предизвик и наградата засега го загуби своето значење, пишува српски Блиц.

Сите тројца преостанати натпреварувачи се од Црна Гора, па на крајот, кога ќе заврши овој натпревар, титулата и 1.000 евра ќе останат во таа земја.

Во етно-селото Брезна кај Плужине меѓу тројцата натпреварувачи има две жени и еден маж.

– Дојдов по наградата. Но, сега после толку денови, инаетот проработи и морам да лежам до крај, дури и повеќе од 45 дена – изјави една натпреварувачка за Н1, која не пропушта ништо додека лежи и тврди дека одмарала на ова натпреварување.

Ова натпреварување се одржува по 12-ти пат, а учесниците имаат право на 15-минутна пауза на секои осум часа. Тоа време го користат за своите физиолошки потреби, но тврдат дека во тоа време можат и да вежбаат.

Менаџерот Борис Круниќ наведува дека ова е прв пат натпреварувањето да трае толку долго.

– Никогаш не сум се чувствувал подобро, сега се истуширав, дојдов од пауза, па луѓето да не се грижат – изјави натпреварувачот Филип Кнежевиќ.

Додека натпреварувачката Гордана Филиповиќ истакнува дека семејството моментално ја поддржува и не брзаат со неа.

Инаку, рекордот до оваа година го држеше Дубравка Алексиќ од Подгорица, која лежеше 117 часа, а годинава натпреварувачите лежеа веќе 317 часа.