Минатата година, ИНА и MOЛ постигнаа договор за преземање на 92,25 проценти од акциите на OMВ во OMВ Словенија д.o.o., а бидејќи трансакцијата бара одобрение за спојување, MOЛ Груп сега продава 39 од своите бензински пумпи во Словенија за да може да се изврши преземањето, велат од Ина.

На 9 март 2023 година, MOЛ Груп склучи договор за продажба со Шел за неколку бензински пумпи во Словенија. Трансакцијата вклучува вкупно 39 бензински пумпи – од кои дел припаѓаат на МОЛ Словенија, а дел на ОМВ Словенија. Ова е една од клучните точки за добивање позитивна одлука од Европската комисија за предложеното преземање на ОМВ Словенија од страна на МОЛ, кое беше најавено претходно.

ОМВ Словенија д.о.о. управува со втората најголема малопродажна мрежа со 120 бензински пумпи низ Словенија и работи под четири различни брендови. Трансакцијата го вклучува и големопродажниот бизнис на купената компанија. Ина веќе имаше удел од 7,75 отсто во OMВ Словенија д.o.o., а според договорот со MOЛ ќе го зголеми учеството од сегашните 7,75 на 33 отсто, пишува Индекс.хр.