Пред да почнеме да бараме начини како да се ослободиме од инсектите кои знаат да ја тероризираат нашата кујна и дом, мораме да обрнеме внимание на токсичноста и безбедноста на  ваквите производи и нивна употреба во близина на деца и домашни миленици.

Колку и да ве нервираат, сепак инсектите се важна алка во нашиот екосистем. Можеби не ни се омилени, но бидејќи ни се потребни, мора да го избегнеме нивното целосно отстранување.

Постојат многу „домашни“ и комерцијални органски инсектициди. Пред да пробате нешто ново, од домашен експеримент против паразити до купен производ, внимателно прочитајте ги упатствата за употреба и безбедноста на состојките.

ДИЈАТОМЕЈСКА ЗЕМЈА

Дијатомејската земја, е составена од фосилизирани остатоци од алги. Во ситна форма, сицилиум диоксидот е ефикасен органски инсектицид кој ги дехидрира инсектите!

Ефикасен е во борбата против лебарки, мравки, пајаци и речиси сите други инсекти.

Прашакот може да се испрска врз сите области каде што се појавуваат инсектите или можете да го измешате со вода и да го користите како спреј.

Дијатомитот ги уништува и корисните инсекти, затоа треба да се внимава со неговата употреба!

МАСЛО ОД НИМ

Маслото од ним, добиено од дрвото ним, со векови се користи во органското земјоделство, како и во културите низ целиот свет како органски инсектицид.

Може да се попрска во домот, во ќошовите околу вратите или на дрвени подови. Делува одбивачки на инсектите и ги спречува да се хранат, размножуваат и растат!

МЕШАВИНА ОД ЕСЕНЦИЈАЛНИ МАСЛА

Таквиот микс против инсекти прави чуда за сите инсекти што летаат или лазат.

Есенцијалните масла се генерално безбедни за прскање низ просториите, за нанесување на кожата или производи од волна кои може да ги поставите низ домот, како превенција од инсекти.

Некои такви масла се еукалиптус, есенцијално масло од лимонова трева, пеперминт и лаванда.